【老仙ㄟ雜談】大家來練習講臺語（一） 131230

[大雅老仙ㄟ]

今仔日是十二月三十，咱儂是十一月廾八。今仔日我足歡喜咧，我去學校無心情通讀冊，我攏無咧聽先生教冊，教啥物內容我攏毋知，因為我的心肝一點仔嘛攏無佇學校。連阿福仔欲招我放學了後欲去放風吹，我佮伊講袂使咧啦，因為今仔日是阮阿兄欲娶某，厝內真無閒。
放學了後，我趕緊三步做二步走轉去，入門一下看，哇！歸間厝內真最人客，鬧熱滾滾。有真濟親成朋友攏來啊。有e第一擺看著，我毋捌伊，有e捌看過，毋閣毋知影欲按怎來叫伊。
阮兜是三代儂蹛做伙的大家伙儂，恁有看著嘸，坐佇太師椅，喙鬚白白白彼個著是阮阿公，伊的身軀還閣真勇健，雖然無半齒喙齒，毋閣猶原會得食雞跤爪。坐佇伊e倒手爿彼個是阮阿嬤，伊雖然七十外歲啊，皮膚還閣幼麵麵，看起來還閣真少年。
阮阿公e父母著是阮阿祖，阿嬤e父母是阮外祖，分查埔祖及查某祖，毋閣攏過身去啊。阮阿公阿嬤生四個後生，和兩個查某囝，阮阿爸查埔排第三e，頂頭有二個阿兄，就是大伯佮二伯。阮大伯講話大嚨喉孔，聲音足響喨，袂輸像咧陳雷公。
阿伯e某我叫伊阿姆，大伯e某我叫伊大姆，二伯e某我叫伊二姆。大姆二姆攏真疼我，碇碇乎我錢買糖仔餅。阿爸e小弟我叫伊阿叔，伊去美國讀冊，畢業了後佇美國吃頭路，伊嘛娶一個阿突仔某，著是阮阿嬸，伊袂曉講臺灣話，阮阿公足氣咧，叫阮阿叔著愛教伊講臺灣話。
我嘛有二個阿姑，攏是阮阿爸的小妹。阿姑的尪我叫伊姑丈，今仔日嘛攏有來做人客逗鬧熱。
阮大兄娶一個某真正靚（sui2），親像電影排優，我叫伊大嫂，伊生一個查埔囝，就是我e姪仔，也是叫做孫仔，伊佮我平齊歲，我雖然加伊一輩，毋閣我足氣伊攏無愛叫我阿叔。
對啦，我嘛有看著阮大舅，著是阮阿母e阿兄，我細漢的時陣，伊碇碇做馬乎我騎。阮阿母嘛有一個小妹，著是阮阿姨，今仔日粧甲真靚，因為伊今仔日來逗娶新娘，咱臺灣話叫做伴娶。
新娘轎娶新娘返來啊！外口炮仔放甲呯碰叫，阮侄仔捧柑仔去轎前請新娘出轎，新娘乎伊一個紅包，伊足歡喜咧！新娘出轎囉，大家攏圍圍來看新娘，逐家講新娘真靚閣好笑神。（註：以上不一定正確，有誤處請指正）

咱儂（農曆）、足歡喜（很高興）、先生（老師）、讀冊（讀書）、心肝（心情）、走轉去（回家）、捌看過（曾經見過）、蹛做伙（住在一起）、大家伙儂（大家庭）、喙鬚（鬍鬚）、幼麵麵（細緻）、查埔祖（男曾祖父）、陳雷公（打雷）、糖仔餅（零食）、吃頭路（上班工作）、排優（明星）、平齊歲（一樣歲數）、加伊一輩（高他一輩）、粧甲真靚（打扮漂亮）。

[草帽小子]

咱儂-舊曆
排優
大家伙儂(唸-郎-嗎)
------------
以上不知怎麼發音
其他唸起來倒是很順

[desktop]

對我來說,台語是爸媽說的話,但是有些音好像沒對應漢字,如果不是從小就會,還真不知怎樣學 (眼汪汪)

Q1.國語有注音ㄅㄆㄇㄈ方便自學,台語有注音嗎?
Q2.米國人小時候學音標嗎?

[kwojohn]

好像用萬國拼音...羅馬或是威瑪拼音... (咦)

[大雅老仙ㄟ]

咱儂-舊曆
排優
大家伙儂(唸-郎-嗎)
------------
以上不知怎麼發音
其他唸起來倒是很順

通常臺語攏是用「臺羅」注音卡最，親像：
咱儂--lan2 lang5 農曆
排優--pai5 iu1 明星
大家伙儂--tua7 ke1 hue2 lang5 大家庭
即嘛8-90歲以之e儂真最儂會曉讀聖經，但是伊無一定會曉看咱e漢文。

[snorkel]

曾見過家中已故長輩曾寫信給家父（他現在也77了）, 因為對方是受日式教育, 用中英文又沒辦法寫信, 我們又不懂日文, 所以用台羅寫信. 用拼音念起台語信來, 倒也款款有韻. 個人是基督教徒, 在教會聽說: 學羅馬拼音, 快的一兩個月就可以讀寫. 個人以為, 用漢字非要一兩年莫辦. 羅馬拼音的台語聖經很早就有（二次大戰以前? ）, 但是漢字台語聖經, 一直到幾年前才出版(由一位醫師完成).
另外"排優" 或可寫為"俳優", 這還真是古早的用法.（史記 俳優列傳）